芳華絕代 (已結業)

芳華絕代嘅霓虹燈可能係好多人鍾意嘅打卡點，我呢個肥毒去食晏就無點留意只掛住食啦。泰式金邊粉炒得條條分明，而椰子雞湯車仔麵就睇湯頭濃郁。午市有套餐揀完主菜加錢就可以要小食，滷水豬髀飯嘅豬髀份量好多而且非常軟嫩又唔會散開哂，滷水味唔算太重加埋個酸甜汁就剛剛好！至於蝦餅同素菜春卷不過不失，小食嚟講都唔錯。而紫薯鮮奶就味道較淡，如果紫薯份量多點應該會更香濃！芳華絕代嘅環境好好，座位闊絡又有落地大玻璃窗，加上各種霓虹燈，係一個有氣氛適合同朋友小聚嘅地方。