Tapa Room (已結業)

如果要講西餐裏面鍾意食咩菜式，西班牙菜一定係其中一樣。最近就同fd去左一間非常打卡able既西班牙餐廳【Tapa Room】，岩岩開果時已經想去試。餐廳位置比較少，記得要先book定。 Tapas- 黑毛豬火腿24個月：鹹鹹香香油脂味重，分量都算多 薄切慢煮八爪魚：八爪魚無咩口感、而且有少少腥味，個人唔係太推。不過上面個醬汁調味不錯。薄切炙燒吞拿魚腩：一邊炙燒已經一邊聞到都香味，外面香氣好濃，入面油脂味濃，入口即化、調味都好好食。西班牙薯仔蛋餅：外面蛋好鬆軟、裏面係流心蛋黃加薯仔。熱辣辣、而且調味非常好，超級好食、大推。西班牙慢烤乳豬番茄飯：慢烤乳豬非常軟霖，好容易就皮肉骨分離，外皮香脆、肉質juicy。西班牙番茄飯完全唔會酸、而且好香香草味。CAVA Sangria：奇異果加柑橘類既sangria，甜甜地無咩酒味，係比較特別既sangria Virgin Sangria：無酒精sangria，士多啤梨味比較出，味道偏甜。