Sodam Chicken (已結業)

個陣見到網上有人推介依間餐廳，又想食下韓式炸雞，所以順利成章就黎咗依度。最想試嘅係芝士火鍋，聽聞係用咗4種芝士黎整，有藍紋、金畢文、巴馬臣、水牛，唔怪得咁有質感之餘又有濃濃嘅香味。配料有流心芝士年糕、紫薯年糕、豬仔骨、薯條、腸仔、車厘茄、農夫包粒，點落去芝士度真係勁邪惡~而且芝士可以添加一次，包保每個野食都可以被重重嘅芝士包圍。韓式炸雞，有10隻，有雞胸有雞腿，比想像中大舊，外脆內滑，好惹味，點落芝士度就更加正。上面兩款野食仲各送兩杯飲品~唔知點解仲每人送咗支香水~