影片
更多
2011-12-08
445 瀏覽
兩星期前, 師傅喺放飯時間, 突然興之所緻, 決定調轉黎行, 從前喜歡行太古方向行, 是次決定往北角走, 邊行邊搵食! 由於師傅冇咩心水, 唯有順著心情, 睇下到時想食咩啦, 行行下見到呢間食店, 好似好吸引, 但又唔知好唔好味, 不過最後師傅還是豁出去! 入到去剛好有個位, 於是就坐底! 食店環境唔算大間, 不過都算幾多食客; 講真, 呢個環頭放飯時間都冇咩邊間會冇人, 如果冇人的都應該執得; 所以呢個時段用人潮係不足以確定食店嘅水準! 坐底後望左一陣, 又想食魚蛋, 又想食牛雜, 不過計過度過都係覺得牛雜穩陣啲, 於是就決定柯打一碗牛雜米! 牛雜有牛膀, 牛肚, 牛肺同牛腸! 未試牛雜前, 師傅還是先試湯底, 湯底味道唔算濃, 五香味唔重, 師傅覺得只係比清湯稍為濃少少, 並不吸引; 至於牛膀並唔算最好, 入口雖然冇異味, 不過較為韌身, 同十三座的真係冇得比; 牛肚就勁腍, 賣相就好似腍到爛咁, 口感一般; 牛肺相對地較好, 肺身煙煙韌韌, 微微爽口, 感覺勁正; 最後牛腸較韌, 基本上都要費啲力去咀嚼, 唔掂! 不過最差莫過於米粉, 米粉本身較粗身, 坦白講粗身嘅米粉已經令口感
入到去剛好有個位, 於是就坐底! 食店環境唔算大間, 不過都算幾多食客; 講真, 呢個環頭放飯時間都冇咩邊間會冇人, 如果冇人的都應該執得; 所以呢個時段用人潮係不足以確定食店嘅水準!
坐底後望左一陣, 又想食魚蛋, 又想食牛雜, 不過計過度過都係覺得牛雜穩陣啲, 於是就決定柯打一碗牛雜米! 牛雜有牛膀, 牛肚, 牛肺同牛腸! 未試牛雜前, 師傅還是先試湯底, 湯底味道唔算濃, 五香味唔重, 師傅覺得只係比清湯稍為濃少少, 並不吸引; 至於牛膀並唔算最好, 入口雖然冇異味, 不過較為韌身, 同十三座的真係冇得比; 牛肚就勁腍, 賣相就好似腍到爛咁, 口感一般; 牛肺相對地較好, 肺身煙煙韌韌, 微微爽口, 感覺勁正; 最後牛腸較韌, 基本上都要費啲力去咀嚼, 唔掂! 不過最差莫過於米粉, 米粉本身較粗身, 坦白講粗身嘅米粉已經令口感驟降, 而呢間食店仲要煮唔腍, 入口仲硬硬地, 你話點食呢?
總括黎講食物水準絕對係要求以下, 服務一般, 環境細地方都尚算乾淨, 而價錢都唔平, 不過真係幾多錢師傅已經唔記得! 朝著北角呢個方向走嘅第一炮就打唔響, 所以師傅還是繼續往太古方向走穩陣啲, 喊臉一定要比, 淨係個米粉都抵攞個喊臉啦, 所以肯定冇下次!
張貼
