家樂茶餐廳

營業中

休息中

今日落街食飯經過駿業街試吓呢間工廠區食堂，價錢味道都幾貼地。每逢中午食飯時間，家樂茶餐廳條樓梯都擠滿左好多人，環境乾爽，枱與枱之間都有一段距離，茶餐廳夥計爽快安排座位，每日餐牌都有唔同嘅款式，今日我就試吓食雞翼炒公仔麵。碟炒公仔麵一嚟到已經聞到一陣洋蔥爆香嘅味，我即刻拎起筷子就夾嚟食，公仔麵同洋蔥爆炒充滿鑊氣，麵質乾爽，唔會好油，雞翼炸到香口，食到咁上下，加埋豆瓣醬撈住食都幾滋味，凍奶茶茶味濃，突顯到茶餐廳嘅特色。平時午餐都係$40左右，到咗1:45後就會有下午茶炒粉麵，所以成個套餐都係38，唔怪得知咁多上班人士擠滿樓梯，對於我呢個街坊來講，以後有多個地方食好嘢。