酒鍋 (天文臺道) (已結業)

兩個人打邊爐有邊個唔想樣樣都食啲。現實就係全部一份份，多到食唔晒。有二人餐又唔同講法。呢間都叫開業一段時間，座位又闊落，成個環境好輕鬆，好岩打邊爐。全要二人餐 $388/位湯底係黃金美人，黃金鮮雞湯裡面有胡椒豬肚，再成碗花膠鮮雞比你放入去。又雞又胡椒豬肚，淨係湯底都好多野食，係有誠意既湯底，而且飲完滋補又暖胃。黑毛和牛6片6片都係大大片，所以份量都唔少，爽嫩好食。二人海鮮拼盤拼盤已包括扇貝，蟶子，海蝦，而是日海鮮係蜆，全部都好新鮮，海蝦特別大隻。唔夠喉可以$268加細澳龍蝦或波士頓龍蝦一隻。食完和牛同海鮮，會有蜂巢狀又吸湯汁既招牌凍豆腐。仲有黑松露蝦蟹餃、魚皮餃、手打墨魚丸同埋手打芝士蝦丸每樣兩粒。丸、餃都係好飽滿，一咬就啖啖肉。最後當然會有菜食下 - 什菜籃。打邊爐有得飲下 mocktail，唔洗次次都汽水同竹蔗茅根。