8鍋臭臭鍋 (金巴利道) (已結業)

晚上偶爾經過尖沙咀金巴利道都會見到呢間好多人排隊的8鍋臭臭鍋，係一間來自台灣的台式一人火鍋專門店。星期六中午就黎左朝聖一下，下午3pm黎到所以未有太多客人餐廳合共有9款不同的鍋物套餐，有辣有唔辣，任君選擇。只需要$88就可享用鍋物+飯或粉絲+台式茶飲，實在係超值！但唔知點解朋友果個鍋一直可以滾下滾下食, 我既鍋食到尾都唔滾, 不過個鍋都keep到熱湯底咖哩味較淡, 帶些少咖哩甜味, 唔係辣果種,入面有吸湯既娃娃菜、蟹柳、粉絲、炸枝竹, 完全吸左湯底精華, 正啊有幾片豬肉片, 帶些少爽, 亦同樣吸到湯底味, 唔錯有幾粒魚蛋仔, 略帶彈牙呢個唔知係咪叫黃金魚子球, 超正!