渝人碼頭 (已結業)

夜晚喺金鐘和同事做完嘢，正在煩惱去邊度食飯嘅時候，佢居然想起有間店係附近，有靚湯飲，行咗幾分鐘，停咗喺一家火鍋店前，就去吃啦!由佢朋友發板，叫咗個鴛鴦鍋，一邊係小辣重慶麻辣鍋，一邊係蟲茸窩。開餐前先飲碗蟲茸湯，清清地，幾鮮甜，夠菇味，D菇煲完湯都仲幾好味，冇介紹錯。菜單上推薦 "碼頭三寶"，有鵝腸，黃喉，牛柏葉，雖然唔知同碼頭有乜關係，但簡單灼一灼就食得，相當爽脆有咬口叫咗碟爽滑牛肉，放咗落去辣嗰邊，雖然order小辣，原來比一般的辣度高，但辣得來真的鮮香，不用點任何醬料。但蔬菜就唔敢放落辣這一邊了，放係松茸個邊。韭菜餃也相當足料，皮薄餡靚，十分足料。重有自家製炸豆皮，要煮淋D 至好食，放係麻辣個邊，巧辣!食辣嘢當然要飲啲啤酒，呢處有手工啤，叫'鬼佬'，帶果香，泡沫細滑，相當好味。最後再點多咗個南瓜餅做甜品，外脆內軟，夠南瓜味，仲有紅豆餡料，甜而不漏，相當解辣。滿足的一餐。