canton pot (已結業)

我除咗係蒜魔之外，亦都係菇魔，任何菇都好鍾意食。香港好似冇乜邊度打邊爐夠佢呢度咁企理，唔似一般港式火鍋店咁嘈咁迫。裝修走現代風格，不過骨子裡依然傳統，主打各式高級湯底、海鮮及其他特色食材例如手工餃子，仲要有好多不同嘅菇類做配料，令我愛不釋手。雖然嚟過呢度好多次，不過每次都冇打過食評，就今晚食完打返篇啦混醬 （每位＄25）每張檯都有一盆混醬，任你由頭混到尾。有12款任君選擇，蔥花、蒜蓉、豆瓣醬、胡麻醬、炸蒜、洋蔥粒、指天椒、腐乳、南乳、花生醬、潮州辣椒醬、沙嗲醬。鍾意辣嘅又開心，唔食辣嘅又快樂，＄25有咁多選擇，好！松露百靈菇野菌湯 （原價＄98）凳都未坐暖，店員已經問 "係咪松露百靈菇野菌湯啊？"的確係，嚟咁多次都係要呢個湯底，一來我贏咗個比賽，獎品係一年有365個免費湯底，二嚟係呢個湯底真係好味到不得了。店員亦都好體貼咁放低隻小杯，等啲湯滾起之後飲嘅。湯味道清甜，每口都散發住松露及野菌嘅鮮味。另一樣我最欣賞嘅係，佢嘅湯鍋全部係分兩邊（就算叫一款湯底都係），通常打完牛肉都會有一層油，咁就唔方便我呢啲鍾意一路打一路飲湯嘅朋友啦。但嚟到呢度，我可以一邊打非肉類，一邊打肉類，咁就唔會怕油啦！