必勝客 (已結業)

同朋友們四人叫左個二人扭扭腸批套餐，另再點左海鮮寬條麵和三文魚Pancake~個Pizza都OK既, 其實批邊設計十足十係一排腸仔包咁, 冇咩新意囉! 食完會好滯, 都係之前芝士心果隻好食好多!海鮮寬條麵一向都係我既至愛, 可惜份量好似好少咁, 同埋可能我地9點半先入到去, 都算係夜, 得返o的餸尾, o的麵條斷晒咁, 完全搵唔到一條完整既麵... 不過我相信都只係間唔中係咁o者!最離譜係個三文魚Pancake, 而家做緊會員價$38~ 睇Menu係好靚既四片三文魚, 黎到點知係勁細片?! 我地第一個感覺可以用「驚嚇」黎形容, 完全係餐牌上面果一片三文魚再切開四片咁...