包販子 (已結業)

今日lunch約咗啲朋友喺太子諗住食間特別少少嘅餐廳～途經呢間餐廳覺得啲裝修好有文青feel！我身為正宗偽文青，見到咁靚，於是就忍唔住入咗去食！見到啲menu覺得好得意，同埋都好多款式，畫風都好得意，特別係個招牌logo😍，成個感覺好cozy，啲擺設都係好搞笑好得意🤣我就叫咗個北京填鴨嘅包，感覺上中式嘅菜式係完全唔夾漢堡包，但呢個個感覺反而幾特別同埋好好食！啲填鴨嘅份量好多，再加埋一大塊薄青瓜，令到個填鴨甜醬嘅味唔會太over😍，漢堡包好脆好好食😆！仲有不得不讚個薯條，個薯條好脆，唔會太鹹，所以食到上晒癮我叫咗杯mocha，杯mocha嘅朱古力、奶同咖啡嘅比例啱啱好，唔會話好甜同埋好稀～呢間餐廳真係食得又睇得～大家不妨黎支持下！