Mo Mo Kushiage (已結業)

同朋友好耐冇見想搵個地方飲下酒慢慢食慢慢傾呢間居酒屋真係好適合仲有啲喺日本東京嘅感覺首先叫咗生啤，京姬柚子檸檬🍋呢度嘅服務員態度好好，落枱有介紹菜式，有啲仲要分先後次序食，而且每一道菜都用心設計，注重食物質素，真係高質嘅居酒屋北海道米崎生蠔好鮮甜爽口，帶有海水味，勁鐘意燒七味魚翅燒得好好味，外脆內軟五點刺身拼盤三文魚，三文魚子，天使蝦，帶子，松葉蟹柳全部都好新鮮，鮮甜多汁特別係天使蝦，爽口彈牙，蝦頭仲有好多膏燒白鱔呢個係必點，外邊嘅皮脆卜卜無骨，可以大啖食西班牙黑毛豚肉豬肋條都係外脆內軟架，面頭灑上少少鹽，任何調味料都唔需要，我一向少食豬，佢呢度啲食材真係好吸引蝦肉釀沖繩苦瓜沖繩苦瓜特別好味，唔會太苦，帶有甘香味帶子三文魚子呢個都係必點推介，沙律醬配上三文魚子底層係帶子，呢個配搭好特別，口感豐富沙律醬同三文魚子令炸帶子更清新山藥一向都係食到比較「粉」同黏嘅山藥呢個山藥好有驚喜，非常清爽鮮甜荷蘭豚肉卷，竹筍豚肉卷芝士安格斯牛柳關東煮最後有一個關東煮🍢 每次去東京都要食蘿蔔，蒟蒻，板魚蛋，豆腐，芝士魚餅為呢一餐畫上完美句號