影片
更多
2016-07-21
1055 瀏覽
難得肥佬美國回港，齊齊食好一點、食特別一點啦 ，黎個洗塵聚舊午飯 ﹗同事們興緻勃勃話齊齊 lunch 去食鐵板燒，好 ﹗預埋我黎個 5 人行，原本想食對面間人氣鐵板燒，但爆場滿到瀉，唯有退而求其次幫襯出羽櫻囉。我無所謂，橫掂兩間都未試過。首度光臨，午市果然非常繁忙，爆場到連櫈都唔夠坐，何解又係我坐接櫈呢？有那麼利害既武器旁身，最勁係我啦 ﹗早排去稻香飲茶又係我坐摺櫈，搞錯呀 ﹗算，一向我都係最好相與既。見大部份食客都係 order 套餐，可能抵食又多種類掛，對於舖頭及廚師都方便又穩陣許多。我就決定要最貴個櫻餐，但居然無蘆筍，迫住轉金菇肥牛卷，平好多喎架，係咪個套餐價錢應該扣返少少錢呢？仲有我要坐摺櫈囉。雖然有幾款套餐供應，但都只係雞、牛、豬、蝦、帆立貝、炒飯、炒烏冬、炒雜菜，選擇不多。發現有廚師推介喎，對眼即刻發晒光，但 lunch 費事食得咁誇張，求其食 set 算喇，要冷靜。和風沙律，普通雜菜淋上胡麻醬混黑醋，酸酸甜甜都幾好，起碼夠開胃，如果溫度再冰涼一點更好，室溫差少少。醬燒雞扒，計算過櫻套餐份量唔夠我飽，另外要多份雞扒就穩陣喇。不過塊雞扒好細件啊，只有半塊，執底既日式炒什菜我完
首度光臨，午市果然非常繁忙，爆場到連櫈都唔夠坐，何解又係我坐接櫈呢？有那麼利害既武器旁身，最勁係我啦 ﹗早排去稻香飲茶又係我坐摺櫈，搞錯呀 ﹗算，一向我都係最好相與既。
見大部份食客都係 order 套餐，可能抵食又多種類掛，對於舖頭及廚師都方便又穩陣許多。我就決定要最貴個櫻餐，但居然無蘆筍，迫住轉金菇肥牛卷，平好多喎架，係咪個套餐價錢應該扣返少少錢呢？仲有我要坐摺櫈囉。
雖然有幾款套餐供應，但都只係雞、牛、豬、蝦、帆立貝、炒飯、炒烏冬、炒雜菜，選擇不多。發現有廚師推介喎，對眼即刻發晒光，但 lunch 費事食得咁誇張，求其食 set 算喇，要冷靜。
和風沙律，普通雜菜淋上胡麻醬混黑醋，酸酸甜甜都幾好，起碼夠開胃，如果溫度再冰涼一點更好，室溫差少少。
醬燒雞扒，計算過櫻套餐份量唔夠我飽，另外要多份雞扒就穩陣喇。不過塊雞扒好細件啊，只有半塊，執底既日式炒什菜我完全唔食架，只係芽菜同椰菜，完全唔合我口味。雞肉嫩滑沾上甜甜照燒醬都合格，無驚喜的唔難食。
大蝦，最正係佢呀 ﹗爽彈而蝦味濃，剛剛好又無過熟，肉汁依然，炒出黎香噴噴。帆立貝，兩面金黃香口微微燋香，裡面棉棉，不過不失。最愛吃橙色內臟，甘甜彈彈好好食。金菇肥牛卷，肥牛依舊又乾又鞋又硬又無味囉 ﹗
牛肉薄燒，早年係 The One 燒海賀食過 3 成熟，又嫩又滑。依份就熟到乾鞋硬，強差人意，其實只需要略煎幾炒就可以啦。餡料只用蔥花，炸蒜撒係上面。如果跟燒海賀一樣炸蒜同蔥花都係包係牛肉裡面就更有香味，味道更濃郁。炒雜菜，又係芽菜及椰菜為主，多左幾條甘筍絲，全部我都唔多食既，唯有轉贈同事們。
雪餐有三文魚、帆立貝、雞扒，日式炒雜菜墊底。除左帆立貝味道、質感叫做好少少外，雞扒及三文魚同樣煎到乾爭爭、硬柴柴，而且調味怪怪的。不喜歡，其實同上之黎既質數差不多，都明白紅磡區 lunch 鐵板燒會係點既。
日式炒飯，原本個套餐只包白飯，轉炒飯加 HKD10 蚊。無味既？濕淋淋又有點爛，香氣欠棒，鑊氣就更加無，味道單調又 dry ﹗我要落辣椒仔撈飯先掂，免強吞左半碗，食兩啖算罷啦，so sorry 喇。
麵豉湯，居然係食晒個餐最後先到囉，您估甜品咩。簡單又穩陣，味道同溫度都過關，非常樸素，豆腐、菇菌都無粒，堅係齋沖出黎喎，即沖麵豉湯包。
現在報時 13:55 分，全部食客都走晒喇喎，連廚師們都去左休息喇 ﹗即時清靜晒，好舒服呢 ﹗但我地同樣都要埋單返公司工作啊，無緣享受這一刻。清場後先可以留意到內籠裝飾擺設呢，整整齊齊都幾骨子，雖然外觀已有點殘舊。以鐵板燒黎講，依個價錢都合理，食雞牛豬最平，海鮮最貴。
和風沙律
33 瀏覽
0 讚好
0 留言
和風沙律
20 瀏覽
0 讚好
0 留言
醬燒雞扒
39 瀏覽
0 讚好
0 留言
櫻餐：大蝦、帆立貝、金菇肥牛卷、牛肉薄燒、炒雜菜
14 瀏覽
0 讚好
0 留言
雪餐：三文魚、帆立貝、雞扒、炒雜菜
50 瀏覽
0 讚好
0 留言
日式炒飯
32 瀏覽
0 讚好
0 留言
日式炒飯
53 瀏覽
0 讚好
0 留言
麵豉湯
13 瀏覽
0 讚好
0 留言
麵豉湯
25 瀏覽
0 讚好
0 留言
張貼
