醉翁亭火鍋館 (已結業)

我第一眼看到這餐廳已經不能相信，呢度不是創興劣食廣場，點解可以咁平。四個人來打邊爐，任飲任食，自上次吃個四部曲覺得物有所值後，原來天外有天，人外有人，今晚的醉翁亭更加不得了。每位$268，絕對是一個不錯的價錢，在任食的環境下，還有四款開場白歡迎你。首先，每人一客鮑魚是真材實料的，那件冬菇也是不錯的貨色。另外更有不少小食，拍青瓜是首選。送上的刺身有幾種，不是什麼名貴刺身，但也叫人尚算滿意。之後開始火鍋，選了雞煲，我覺得味道還可以，雖然顯然沒有第二間以雞煲為主角的咁好味，但可接受。那些火鍋選擇不算很多，但其實都一定夠食。第四部送的是大雲呑，仲大粒過那些沾仔記的朋友，叫人驚訝，特別中間那係勁新鮮爽口的大蝦。送上的牛肉又是精品，你出面叫碟都要三百蚊的貨色，說真，份量咁多，真心覺得好值得來吃。最後的海鮮拼盤有帶子、蟶子、蝦、青口、鱔片等等，叫人吃得極快樂，呢個又是任食offer的其中一個，基本上你個口冇得停。$268有咁多野食，怪不得全場爆滿，最重要係冇時間限制，因此全場人都吃得高興，特別是我隔離枱的後生仔，食足四小時，真係屋企都冇咁平。