佳佳甜品

營業中

休息中

佳佳甜品絕對係我一定會推介嘅本土港式糖水代表。價錢平就不在話下，用料豐富，唇齒間透出淡淡嘅人情味！星期六晚大概八點幾嚟到，門口約有數十人排緊隊，比着其他糖水舖真係可能要等返大半個鐘先入到去食，但呢到流水作業，大家都有默契食完就走，所以不消15分鐘我哋就入到去喇。呢排轉季寧捨乾燥，所以我哋就叫咗個木瓜燉雪耳糖水，同埋我最鍾意食嘅腐竹薏米白果，兩樣都係滋潤野，喺dry爆嘅日子補補佢。兩碗都好足料，木瓜雪耳唔會死甜，腐竹薏米就一貫咁香濃！另外，早排去台北旅行時，發現原來佢哋已經密鑼緊鼓準備喺台北開舖。希望佢哋保持到水準之餘，亦都勿忘初衷唔會大幅加價啦。