炑八韓烤 (已結業)

Happy Friday，總係想食好啲。所以同同事食餐好嘅午餐，去咗炑八到食。坐得舒舒服，日頭唔多人燒烤，所以無乜油益味。佢哋2點半開始下午茶，個飯餐同平時差唔多，價錢一樣但係包埋特飲一杯。所以超抵呀，五十凌蚊，有前菜、有湯，仲有飯餐加埋杯特飲。選擇都好多，我自己好想食炸雞薯條，所以我揀咗A+B下午茶套餐。超級飽，份量無比正常午餐減到，價錢一樣。仲多份炸雞、薯條及特飲。純豆腐湯配紫菜飯熱辣辣，超足料，仲有豬肉、蜆、蛋、滑嘟嘟豆腐!!另外，炸雞薯條熱辣辣，即叫即炸，好味!!飲品係荔枝特飲，個人覺得甜咗少少嘅。另外午市下午茶不設加一。