湯•米 (已結業)

約咗朋友過嚟將軍澳探另一個朋友，見仲有D時間，喺附近搵緊餐廳坐吓食吓野先。朋友話想好耐無打邊爐，於是我地就搵到呢間湯。米。佢係一個商場上既一樓，可能有少少難搵。因為我地兩個人唔算太肚餓，諗住叫一個鍋再加Ｄ小食同追叫下配料。今次就叫咗泰式海鮮鍋，佢個湯底好濃椰香味，海鮮黎講佢就有蝦同青口，仲有D雜菜、蟹柳、粟米咁。之後我地就追加咗個海鮮拼盤都肥牛一碟。之後再叫咗台灣腸，呢個好有驚喜，煎得好香，外皮好脆。而且醬汁區域可以選擇蒜泥，台灣腸加上蒜泥非常香！值得一提既係，佢既飲品可以揀走冰走甜，呢點幾好！