狂野麻神麻辣火鍋 (已結業)

呢排天氣好凍，邊爐癮又發作，知道尖沙咀開左間台灣過江龍，麻神麻辣火鍋，仲有午市一人套餐。由於新開，基本上唔洗等位就坐得，地方都好闊落，唔會焗到成身味。佢個午市套餐好抵，$68有三個配菜，一個麵，任選湯底送飲品。原來個鍋仲會跟配菜，有粟米、娃娃菜等，我要左麻辣湯底配薯粉，肥牛、山葵芝士丸同蔬菜餃，飲品要薏米水。個湯底有好香花椒味，嗜辣人士可試下，不過我食得辣會更想再辣啲。啲薯粉真係超級正，煙煙un un仲要索哂啲湯，好入味！另一鍋要左蕃茄湯底配韓國辛辣面，要左蠔，竹苼同墨丸，推薦大家要試蠔，加錢有兩隻，隻蠔都算大隻。個湯底好香蕃茄味，食得岀係有用真蕃茄煮成蓉咁。再試左個鴨血果凍，好彈！依家like 社交平台 會有小食送，所以整體性價比好高，又食到好飽，會再食！