360餐廳 (已結業)

每個禮拜都要去到屏山天水圍練波練到十一點，練波前搵餐廳食個飯！今日就發現體育館對面有間西餐廳，竟然有得打邊爐！！自從無食吉吉家之後，都無食過一人火鍋喇！呢度既冬日一人火鍋套餐只要$68,每鍋都有蟹柳、嗚門卷、豆腐、冬菇同菜，都幾豐富！另外可以揀一款肉、飯或者烏冬或者出前一丁！而湯底都有兩款可以揀，分別係豬骨濃湯同埋日式壽喜燒！我就揀左壽喜燒湯底，跟肥牛同烏冬。呢度既肥牛肥瘦都尚可，而且係大大塊架！！仲有成六七塊！一個人夠哂！烏冬係用呢款急凍烏冬，口感煙韌，正最後仲有個小小既泡芙做甜品，非常滿足呢個冬日邊爐真係勁抵食$68 包埋甜品同飲品，牛肉份量又夠下次練波前都會再食