影片
更多
2017-03-18
208 瀏覽
兩口子一向愛吃火鍋，不過兩個人打邊爐，閒閒地都要幾百蚊落樓，老實說價錢的確有點貴。不過早前瀏覽網評時，得知上環皇后大道西百匯電腦城最近開咗間名為《煮道》的一人火鍋專門店，據說店裡的鍋物，定價親民，最平七十幾蚊已經有交易，十分划算抵食。原來餐廳是來自美國，在當地設有 2 間分店，而香港則是海外第一間。其實之前在中環上班時，經常會和同事來這個電腦商場飲茶食晏，所以對周圍的環境，絕不陌生。揀了個周五晚到訪，餐廳藏身於1樓A區，踏進店，嘩！地方比預期大，座位非常闊落，就算人多來亦絕對唔會感覺迫狹。拿起店員遞上的餐牌細看，鍋物選擇甚多，包括有三款星級精選鍋，可配牛肉、黑毛豚肉或羊肩肉、環球海鮮鍋、全丸滿座鍋、麻辣雞煲、麻辣豬手煲、韓式部隊鍋、韓式牛肋鍋及日式壽喜燒等。至於湯底方面，客人亦可以自由選擇，細心一數，共有 11 款，包括清湯、韓式部隊湯、香辣湯、四川麻辣湯、泰式冬蔭湯、沙嗲湯、金黃南瓜湯、健康番茄湯、日式壽喜燒湯、忌廉磨菇湯、清甜粟米湯。先揀鍋物，再選湯底。老公愛吃牛，特意為他選了星級精選鍋配CAB安格斯牛肉 ($98)，而湯底方面就揀咗沙嗲湯。雖然話係一人分量，但原來都幾大煲，相信兩
兩口子一向愛吃火鍋，不過兩個人打邊爐，閒閒地都要幾百蚊落樓，老實說價錢的確有點貴。不過早前瀏覽網評時，得知上環皇后大道西百匯電腦城最近開咗間名為《煮道》的一人火鍋專門店，據說店裡的鍋物，定價親民，最平七十幾蚊已經有交易，十分划算抵食。
原來餐廳是來自美國，在當地設有 2 間分店，而香港則是海外第一間。其實之前在中環上班時，經常會和同事來這個電腦商場飲茶食晏，所以對周圍的環境，絕不陌生。揀了個周五晚到訪，餐廳藏身於1樓A區，踏進店，嘩！地方比預期大，座位非常闊落，就算人多來亦絕對唔會感覺迫狹。
拿起店員遞上的餐牌細看，鍋物選擇甚多，包括有三款星級精選鍋，可配牛肉、黑毛豚肉或羊肩肉、環球海鮮鍋、全丸滿座鍋、麻辣雞煲、麻辣豬手煲、韓式部隊鍋、韓式牛肋鍋及日式壽喜燒等。至於湯底方面，客人亦可以自由選擇，細心一數，共有 11 款，包括清湯、韓式部隊湯、香辣湯、四川麻辣湯、泰式冬蔭湯、沙嗲湯、金黃南瓜湯、健康番茄湯、日式壽喜燒湯、忌廉磨菇湯、清甜粟米湯。
先揀鍋物，再選湯底。老公愛吃牛，特意為他選了星級精選鍋配CAB安格斯牛肉 ($98)，而湯底方面就揀咗沙嗲湯。雖然話係一人分量，但原來都幾大煲，相信兩個女仔 share 來食都會夠飽。滾起後先嘗一口湯底，沙嗲味香濃兼有明顯的花生味，而且入口亦沒過杰的質感，唔錯。再挾起鍋內的安格斯牛肉細看，切得厚薄一致，而且脂肪分佈平均，灼熟後馬上一試，肉質柔嫩，富嚼勁，加上沙嗲的洗禮，吃起來特別惹味。
至於我點的星級精選鍋配美國極黑毛豚肉 ($98)，湯底方面就揀咗賣相血紅色嘅番茄湯，據店員稱，湯頭用鮮番茄熬煮，並沒加入茄膏，所以嘗起來會帶陣陣鮮茄的酸香。呷一口，果然味鮮兼酸甜適中，啖落更散發出天然的茄香，令人胃口大開。至於鋪面的黑毛豚肉，水準亦絕不比牛肉遜色，入口柔滑富脂香，而且在湯鍋內灼多久也不欠肉味，犀利！
配料方面，其實兩個鍋物所跟的配菜，基本上都係一樣，有雲耳、鮮冬菇、蟹棒、鳴門卷、金菇、粟米同墊底的椰菜。至於丸類，據說全部都是出自香港肉丸品牌振興，有花枝丸、黃金魚子丸、薑汁皮蛋貢丸、魚蛋小籠包、福寶等。幾款之中，個人較愛薑汁皮蛋貢丸，入口皮蛋味突出之餘，食落仲會有陣陣薑香，非常之有驚喜。魚蛋小籠包，水準亦不俗，用魚蛋代替小籠包皮，入面包住豬肉，食落好 Juicy。
另外每一客鍋物都會配有一碗白飯或糬粉，無飯瘾嘅我，當然是選了後者，薯粉浸泡後索盡湯汁，入口既煙韌又入味，好吃。
順帶一提，店裡有杯裝飲品供應，選了台式珍珠奶茶 ($22) 同煮道洛神花茶 ($22)，前者奶茶味道剛好，入口不會太甜，茶味突出，而且杯內的珍珠，粒粒都好煙韌彈牙；而老公就較愛洛神花茶，讚味道帶天然酸香，既清新又有解膩功效。其實就算無朋友陪，都可以一枝公嚟浪漫吓！
張貼
