三多美食 (已搬遷) 新店位置

太耐冇食煮家飯，一於買個三餸飯黎食。呢間三多成日係網上面見到其他人講好抵食，就試下係咪真係咁唔錯先😛行到鋪面，已經見到有差唔多20種菜式，竟然仲有得堂食添呀。我叫左三個餸$40，有西蘭花、蒸鯇魚、蒸水蛋。姐姐勁大方，樣樣餸都裝到滿一滿，對於我一個女仔黎講真係會飽死😂西蘭花佢會配埋紅腸同木耳，紅腸都大大塊有成三塊咁多，好似加左個餸咁🙈鯇魚都好新鮮，一啲腥味/雪味都冇👍🏻水蛋就正正常常冇乜特別。個人幾鐘意佢地既調味，唔會太鹹岩岩好，不過西蘭花稍微油左少少，不過都可以接受。