意粉屋 (已結業)

今日到將軍澳東港城約咗個客而佢又遲遲未到，我又唯有搵地方坐低食住等佢。經過意粉屋見到下午茶每個66蚊有嘢飲，環境又不錯，所以就入去食個下午茶先啦。結果我揀咗烤雞牛油果藜麥沙律，覺得幾健康，心裏面嘅罪疚感會少啲。廢話少講，講翻個沙律先！首先個沙律唔太多醬汁係幾欣賞嘅，食沙律都系為咗健康，但如果太多醬汁就本末倒置。沙律菜幾新鮮爽脆，而烤雞亦幾嫩滑不油膩，仲有烚雞蛋同藜麥，都算幾多材料。66蚊食個下午茶仲包一杯茶或咖啡，價錢來講尚可接受啦。