富城火鍋海鮮酒家 (已結業)

今日（7/12/2021）一點多嚟到這食店，已有下午茶。原來下午茶時間由下午一點半至三點半。食店在二樓，無𨋢 無升降機 ，只得樓梯行上去，對於長者就唔係幾方便。下午茶點心選擇都幾多，價錢都便宜。點了一個孖寶，金珠咸水角，有4隻，抵，上枱時剛炸起，皮較厚，餡料唔多。蟹籽燒賣，上枱時只得三粒，問侍應得知，平時4粒，下午茶就3粒，足料，好食。另點了乾炒牛河，以$30來講，超大碟，好多片牛肉，炒得乾身，唔油。鮮蝦炸雲吞，好脆口埋單$92，抵。