影片
更多
2016-10-21
144 瀏覽
奧海城真係一個好地方，又多野食又多野行，今日陪媽媽過黎行下街，夜晚再揀間中菜食。樂天客棧係正2期個𨋢口，好當眼，裝修係新派海派既style，光猛又乾淨，裡面仲有落地玻璃位，景觀開揚，坐得又舒服。而且有好多唔同款式地區既野食可以選擇，我地叫左6個餸，淨低打包埋比屋企果2個懶人食。招牌扣肉包 $40/2片有d似大陸成日食到既肉夾饃，不過就用左扣肉，扣肉如果要以一般標準黎講係偏瘦，對我黎講就非常好，而且肥既部分佢燜到好似啫喱，入口即溶，咸咸甜甜熱辣辣好惹味。泰式炭燒豬頸肉 $86特別在加左胡椒去燒，小小燶加上黑胡椒既香辣，燒得又夠乾身，都幾大碟，豬頸肉外脆卜卜，肉汁保留到ok juicy，唯獨有時會咬到燒燶左既黑胡椒影響左，食既時候要睇清楚撥開晒先食。油條 $78聽閒係本身係菜單除左名，但d熟客次次黎都問仲有無呢道菜先加返上去既，其實係墨魚滑釀入去脆卜卜好似油炸鬼既皮，外層都幾薄仲好鬆脆，而墨魚滑好彈牙，配左個特製既花生墨魚甜醬，感覺都幾似海鮮醬，花生仲脆果陣更加多份層次，唔怪之得d熟客要佢重現江湖啦。聚寶海鮮豆腐(小) $108火鍋小炒咁上碟，保持個餸熱辣辣，豆腐炸漿好薄，又蛋黃香酥味，豆
樂天客棧係正2期個𨋢口，好當眼，裝修係新派海派既style，光猛又乾淨，裡面仲有落地玻璃位，景觀開揚，坐得又舒服。而且有好多唔同款式地區既野食可以選擇，我地叫左6個餸，淨低打包埋比屋企果2個懶人食。
招牌扣肉包 $40/2片
有d似大陸成日食到既肉夾饃，不過就用左扣肉，扣肉如果要以一般標準黎講係偏瘦，對我黎講就非常好，而且肥既部分佢燜到好似啫喱，入口即溶，咸咸甜甜熱辣辣好惹味。泰式炭燒豬頸肉 $86
特別在加左胡椒去燒，小小燶加上黑胡椒既香辣，燒得又夠乾身，都幾大碟，豬頸肉外脆卜卜，肉汁保留到ok juicy，唯獨有時會咬到燒燶左既黑胡椒影響左，食既時候要睇清楚撥開晒先食。油條 $78
聽閒係本身係菜單除左名，但d熟客次次黎都問仲有無呢道菜先加返上去既，其實係墨魚滑釀入去脆卜卜好似油炸鬼既皮，外層都幾薄仲好鬆脆，而墨魚滑好彈牙，配左個特製既花生墨魚甜醬，感覺都幾似海鮮醬，花生仲脆果陣更加多份層次，唔怪之得d熟客要佢重現江湖啦。聚寶海鮮豆腐(小) $108
火鍋小炒咁上碟，保持個餸熱辣辣，豆腐炸漿好薄，又蛋黃香酥味，豆腐超級滑，滑到好似百褔咁但又硬身易夾d，好有豆香，配上肉鬆增加口感同香酥味，個芡材料有海參同蝦，海參燜得好入味，同d蝦一樣彈牙。但滾左就要熄火如果唔係好易燶底。金銀蛋浸莧菜(小) $82
大路菜色，質素ok，最滿意係d蒜頭炸過先拎去煮，好諗，食落一d都唔辣，仲甜甜地。魚香茄子煲(小) $78
辣辣地既魚香茄子最岩送飯，如果茄子煮得再諗d就好啦，因為我本身鍾意食諗到溶既茄子，呢度既就比較爽口，但味道濃烈，咸甜適中，好好送飯。570蚊4個人食(打包左2盒返去比家中2懶)，抵食夾大件，有質素既中菜👍🏻
張貼
