叄嵐日本燒鳥串燒居酒屋 (已結業)

呢間居酒屋裝修結合左日式居酒屋同西式cafe的感覺，鋪頭寛落。d串燒係門口度燒，唔怕串燒味焗係鋪頭入面。 松葉蟹肉蟹籽飯 - 個丼份量十足，蟹肉蟹籽鋪滿飯面，另有帶子、蕃茄、粟米、菜，拌醋汁，材料豐富，顏色好靚。每啖飯都啖啖肉。松葉蟹肉味道唔錯，頗鮮甜。 灼燒鰻魚飯 - 鰻魚汁甜蜜味美， 鰻魚夠厚，油脂豐富，肉嫩而不膩。 串燒每款都可以選原味/辛味 煙肉車厘茄串 - 煙肉燒得好香脆，帶鹹香，包住多汁嘅車厘子，一咬d汁爆出黎，好滋味。 蒜蓉燒蠔 - 蠔肉夠鮮甜，蒜蓉增加左蠔的鮮味同香味。 原條蒜蓉茄子 - 好香蒜味, 燒出的水份與蒜味相匯，令味道深入茄肉，將茄子原味毫無咁保留呈現。 雞皮串 - 雞皮燒好香口，唔會太乾亦唔會太油膩。 大辣椒、韭菜 - 燒得啱啱好，保留左本身的水份。 小甜薯 - 細細粒一口一啖， 好香甜，口感軟糯。 鯖魚 -魚肉燒得好嫩，唔會嚡口。