牛涮鍋 (已結業)

行過家樂商場...見佢地庫間green box冇左...原來轉左做食街...就同朋友落去睇睇....下面好多唔同既食店...但係都係日本野...大家都選擇唔到食邊間之際...聞到好香既火鍋味...於是就決定食呢間mou mou勒..和牛任食都係百幾元位....感覺好抵食...我地選擇既係中級價錢既set....始終第一次幫襯...都係保守d...d牛肉黎到都幾靚....好可惜冇相機...如果唔係我一定影低俾大家睇睇...百幾元可以任食一d咁高質素既和牛...就算佢係唔係真正日本和牛...佢起碼做到入口即溶既口感....一流!!雖然主題係和牛任食...但係其他食物我地一樣冇放過....出面既自選區放住各式各樣既食物....有菜有丸有麵...有我只愛食既娃娃菜....汽水任飲...軟雪糕可以自己DIY....比起一般既任食shabu shabu...多好多選擇...其中最出色既係魷魚丸....同手打烏冬....魷魚丸好彈牙...味道又好...唔似其他地方既魷魚丸咁咬落唔會成口粉...手打烏冬亦都好滑...服務員態度都幾親切....唔會叫極都唔拎牛肉黎...反而會主動問客人要唔要添牛肉...