翁記上海館 (已結業)

翁記上海館正宗上海菜餐廳，仲要性價比夠高已經買少見少🤔，呢間位於慈雲山既上海菜館以正宗上海菜作招徠，雖然位置較偏，但性價比十分高👍🏻，可以一戰！-奶油雲腿津白（$58）奶油濃得黎夠甜，同時食到雲腿既香😋，加上津白份量夠多，抵食之選！小籠包（$24/4隻）有做到皮薄餡靚，一咬開湯汁多到滿瀉！因為新鮮出爐，仲有啲燙口添，大家食個陣要小心啲😂。湯汁有香濃嘅肉汁味道之外油脂香味重，點少少醋伴黎食一流。擂沙湯丸（$22）司令對擂沙湯丸有種執著，次次都會係唔同糖水舖搵擂沙湯丸黎食，但好多時候都會中伏😂。不過今次呢個擂沙湯丸尚算滿意，咬入去有滿滿黑芝麻餡，靚而不膩，加上外層包滿擂沙粉，作為飯後甜品就最適合！