老地方茶餐廳 (已結業)

老地方經常聽到人哋約喺老地方等，今晚約咗屋企人食飯，媽咪豪氣咁話：老地方等。老地方即係咩地方啊，原來係深水埗茶餐廳。一坐低，侍應已經根據人頭送上例湯，雖然媽咪話麗湯唔係煲得好靚，但係可以飲啖湯水都已經不錯。一行四個人叫個二人套餐＄114 ,真係四個人食都冇問題，有一款小菜，一個雙拼燒味，一碟油菜，白飯兩碗。燒味係一隻燒鵝髀拼燒肉，淨係呢個份量已經覺得非常超值，小菜嘅質素都唔錯。另外叫咗一碟沙拉骨，份量都係好大，味道不錯，肉質嫩滑物超所值。座位就比較親密，都係典型港式茶餐廳嘅格局，但係都幾抵食，難怪座無虛席。