美味廚 (已結業)

地點係Sogo附近，又方便，餐廳好新淨，又坐得舒服4個女仔叫左個2人套餐加砂鍋雲吞雞，剛剛好估唔到銅鑼灣都有咁抵食，2人套餐有2大碗菜飯，酸辣湯，酥炸豬排，豆腐，菜等等，全部都好足料。必試酥炸豬排，肉質鬆軟，唔鞋口，唯中美中不足似乎唔係即炸上枱，得少少微暖。難得係價錢仲要唔貴，就算散叫每碟小碟都係幾十蚊到1百蚊內，平時係其他上海菜館除左居村區之外好多時都過百蚊碟，所以美味㕑仲要係旺區，性價比絕對值得去試。