滿屋日本料理 (已結業)

唔知大家有冇試過去d 小店食野時就好想叫多幾款刺身，壽司，炸物來食， 但往往叫多兩款之後帳單都變得好貴， 最後往往都就住就住來食，一d 都唔暢快，如果你都有咁嘅感覺就要來食返餐放題，放縱一下。其實耐唔時放縱一下都唔過份嘅，因為一個價錢已經任飲任食咁多款食物最後仲有靚雪糕做結尾。上次同老豆食左一次放題，阿媽見到我地張合照覺得我偏心， 加上老豆個樣幾爽咁嘅款， 媽咪有點不爽，所以今次見媽咪去銅鑼灣拎野， 就順路同佢食返一次放題了。唔洗講媽咪見到刺身已經心心眼， 因佢好喜歡三文魚和希靈魚，佢話三文魚夠哂肥美，而我就喜愛赤蝦好爽甜。呢到的壽司款式都幾多，海膽蟹棒壽司好正，我只選擇左好幾款，因我驚我地食唔哂， 海膽手卷必食夠甜， 呢到個羊架燒得好香。串燒牛和雞都好腍和入味，芝麻雞翼係我每次去食放題必點的食物， 銅鑼灣分店我花膠超厚肉，媽咪食落都讚， 食得咁上下我們開始食西瓜和哈密瓜好甜，仲靚過我地自己去街市買的。最後食完個牌子雪糕就真正回哂本了。