爭鮮外帶壽司

營業中

休息中

呢間爭先喺度不經不覺都成10年啦，由讀書時代到而家出嚟做嘢都仲喺度，唔知佢仲可唔可以捱多下一個10年呢？呢間爭鮮一直都好多人幫襯，男女老少都有，中午嘅時候最多就係學生，晚上嘅時候就係放工人士，因為價錢平同埋新鮮所以多人幫襯，正因為多人幫襯，出品嘅壽司好快，真係可以用貨如輪轉來形容啊，我最欣賞嘅就係可以買嘅數量唔多，按着自己嘅食量去買，因為有時口痕想食一兩嚿而唔係為咗肚餓而食，加上而家疫情嘅緣故，呢啲預先已經包裝好嘅食品其實買起上嚟比較安心，加上店舖嘅衛生情況都10分良好，所以呢間都係我經常會幫襯嘅舖頭之一