皇廷工房點心專門店 (已結業)

觀塘敬業街果邊有間專食點心嘅點心專門店，由於位於工廠區價錢好平民，例如早晨孖寶，$37就可以揀兩款指定點心加一杯熱飲。環境都幾新潮。如果午市套餐 ，一個飯/米線再加一點心一杯飲品都係$54。難得有懷舊鵪鶉蛋燒賣，鵪鶉蛋好香口，加埋豬肉餡，有別於一般平時食嘅燒賣，口感特別，味道豐有特色。喇沙牛柏葉，喇沙牛柏葉都係第一次食，約濃味同惹味，份量如果再多啲就仲滿足。菜苗餃包得好靚，脹卜卜好似一個元寶咁。菜好新鮮，蝦肉夠大粒。小籠包，用咗錫紙托住嚟蒸，就唔怕夾果陣時啲湯汁倒瀉。good! 肉味鮮甜有好多肉汁。😋整體食物質素：4 / 5💰性價比：4 / 5👍推薦指數：4 / 5