果子｜海南雞飯·喇沙摻摻 (啟昌樓) (已結業)

假日出黎同朋友食下飯，見到呢間食馬拉野既餐廳，幾抵食咁，仲有午市套餐! 我地叫左個海鮮喇沙摻摻，湯底係好鮮甜，仲好重椰香味，而且仲好足料! 蝦食落都係彈牙，豆卜吸曬湯汁，好正。跟餐仲可以用優惠價錢去加小食，叫左個網紋春卷，炸得好脆口，入面都係熱辣辣，配埋個泰式辣椒醬，更加開胃。另外叫左個香茅豬扒撈面，面係油面，個汁係有D似甜豉油咁，仲有青瓜絲同埋芽菜，食落口感幾豐富，豬扒都幾多，好濃既香茅味。叫左個小食炒通菜，好惹味。雖然係加配小食價，但一D都唔會馬虎，份量都有誠意。當日真係好熱，好想飲杯手搖，但原來呢到都有台式飲品，所以直接係到飲! 叫左杯芽奶茶，佢唔會太甜，係我鐘意既奶茶味。朋友叫既黑糖珍珠奶茶都有幾高評價! 住附近既朋友可以黎試試佢!