麻辣香鍋

營業中

休息中

今日好想食川菜，晚上約朋友一齊去旺角麻辣香鍋食餐飽，地點就腳，好近朗豪坊，行完街再去食，一舉兩得。招牌香鍋，可自選不同的菜和肉，辣度都可自選，我好想食小麻辣，一眼看到超多辣椒，以為好辣，但入口辣度剛好，十分惹味，毛肚、鴨血好好味，蓮藕片好爽脆，香味濃郁。黃金蝦球，見到就覺得好食，外皮香脆，有濃厚的蛋黃香味，蝦球超大隻，爽口彈牙，還帶有淡淡奶香。金湯酸菜魚，湯底金黃，酸酸辣辣夠惹味，魚片超嫩滑，而且份量都幾多，薯粉夠入味，又煙韌彈牙。泡椒魷魚鬚，不是很辣，泡椒幾好味，魷魚鬚好爽口，感覺幾有鮮味，我幾鍾意食。大盤花菜，小小辣，炒得幾香，花菜幾新鮮，好爽脆，味道調的幾好。川辣鮑魚雞煲，我選了小香辣，鮑魚有四大隻，爽中有軟，口感一流。半隻雞都有幾多件，雞肉嫩滑惹味，很適合伴飯食。