影片
更多
2021-08-28
46 瀏覽
平時成日去新蒲崗，因為嗰度餐廳多，乜嘢類型嘅都有，而且好多都又平又正。尋日食咗一間泰粤小店，應該話係泰粤川🤣酸菜魚，$138估唔到會係度食到酸菜魚，而且店員話係嗰度嘅必食之選，見又好平，就叫一份黎試吓。又真係幾好味喎，同大店味道幾乎一樣，魚一啲都唔腥，酸菜亦都好夠味，咁嘅價錢好抵。咖哩蟹+蒜蓉包，$168可能係全香港最平嘅咖哩蟹，原本以為份量會好少，點知完全相反，啲蟹好多，佢同其他舖頭有啲唔同，通常泰國餐廳會擺靚成個蟹出，佢就斬細件啲，炒成一大兜出，賣相雖然冇咁靚，不過咖哩味好好味，加埋蒜蓉包，真係好正，差啲想打包啲咖哩汁返去撈白飯食🤣另外啲蟹都幾特別，用膏蟹，唔係肉蟹，所以鍾意食膏嘅就要去試吓啦。黃金蝦，$118其實係咸蛋黃炸蝦，咸蛋黃好味，蝦嘅大細、份量同埋味道都正常。生菜包肉，$65生菜包肉都辣辣地，食唔到辣嘅朋友就要留意啦。串燒，安格斯一口牛$38，雞軟骨$22 兩串，白鱔$38除咗酸菜魚、泰國菜、粤菜小炒之外，仲有串燒，種類繁多，係咪覺得係度乜都食到呢，真係好神奇🤣另外咸檸梳打同青檸梳打好好飲呀。餐廳本身已經好平，另外8點前好似有8折，8點後就9折，禮拜3仲全日8折，真係抵到
酸菜魚，$138
估唔到會係度食到酸菜魚，而且店員話係嗰度嘅必食之選，見又好平，就叫一份黎試吓。又真係幾好味喎，同大店味道幾乎一樣，魚一啲都唔腥，酸菜亦都好夠味，咁嘅價錢好抵。
咖哩蟹+蒜蓉包，$168
可能係全香港最平嘅咖哩蟹，原本以為份量會好少，點知完全相反，啲蟹好多，佢同其他舖頭有啲唔同，通常泰國餐廳會擺靚成個蟹出，佢就斬細件啲，炒成一大兜出，賣相雖然冇咁靚，不過咖哩味好好味，加埋蒜蓉包，真係好正，差啲想打包啲咖哩汁返去撈白飯食🤣另外啲蟹都幾特別，用膏蟹，唔係肉蟹，所以鍾意食膏嘅就要去試吓啦。
黃金蝦，$118
其實係咸蛋黃炸蝦，咸蛋黃好味，蝦嘅大細、份量同埋味道都正常。
生菜包肉，$65
生菜包肉都辣辣地，食唔到辣嘅朋友就要留意啦。
串燒，安格斯一口牛$38，雞軟骨$22 兩串，白鱔$38
除咗酸菜魚、泰國菜、粤菜小炒之外，仲有串燒，種類繁多，係咪覺得係度乜都食到呢，真係好神奇🤣
另外咸檸梳打同青檸梳打好好飲呀。餐廳本身已經好平，另外8點前好似有8折，8點後就9折，禮拜3仲全日8折，真係抵到爛。不過好介意環境嘅就要考慮下，始終係小店，冇乜裝修。下次會去試吓粤式小炒，我見好多人食茄子煲，好香☺️
張貼
