麗莎餐廳

營業中

休息中

有朋自遠方來，當然要招呼一下，同佢行完廟街就去附近白加士街搵餐廳食飯，麗莎餐廳裝修簡潔，食物多元化，尤其係小菜同鐵板扒餐都唔錯。二人鳳凰套餐：薑蔥霸王雞半隻：雞肉滑口彈牙，配上香口惹味薑蔥，味道更提升。清炒白菜仔：白菜青綠爽脆，囗感香甜。自選小菜：多款選擇中揀咗韮黃叉燒炒蛋，叉燒份量頗多，韭黃同雞蛋又滑又嫩，加少許蔥花，味道更佳。套餐是包白飯兩碗、例湯兩碗、熱飲兩杯例湯係老火湯足料又夠火喉，味道香甜。另外加了兩個小菜：（奉送例湯和白飯）蒜子豆腐斑腩煲：豆腐沾醬汁入口豐腴鮮香，嫩滑的斑腩加上薑葱、蒜頭及調味料具有增香提鮮作用，滋味可口！京都一字骨：一字骨肉質細嫩爽甜，飽滿肥美，味道酸酸甜甜好開胃。