霞小飛 (已結業)

星期五的晚上，咁岩又要去睇演唱會，如果去尖東果邊一定好多餐廳都好多人，要等位，所以同朋友就係尖沙咀呢邊食完飯，再搭返一個站去紅磡睇演唱會!這間餐廳位於K11港鐵站果層，所以食完飯好方便咁就可以行去搭車!餐廳有提供晚市套餐，二人套餐$328，有小食兩款、湯水每人一份、主食一份、小菜一份，仲有甜品同埋兩碗白飯，兩個人食到好飽呢!雞絲粉皮、水晶陳醋肴肉，份量比散叫的少，但夠兩個人食!雞絲粉皮配有青瓜和麻醬，味道惹味!平常肴肉是需要自行再點陳醋食，但係呢度蛋陳醋也變埋肴肉的一部分，幾方便，又唔怕大量用到陳醋!杏汁燉白肺，這個杏汁味唔會好濃，岩哂唔太中意杏汁味濃的朋友。湯清甜，白肺亦洗得乾淨冇臭味!蟲草花螺頭燉雞，呢個好鮮甜，鮮甜到好快就俾我飲哂，冇咩味精，而且材料十足!酸菜桂魚片，份量都幾多，魚片已經去骨，湯內有酸菜也有辣椒，所以是帶有少少辣!湯底鮮甜帶有酸味，是一款好送飯的菜式。除了有魚，還有薯粉和木耳，薯粉份量都幾多，煙煙韌韌!火腿津白，小菜就點了一份清清地的，火腿都幾咸，不過津白的味道剛剛好!酒釀小丸子，這款甜品唔太甜，而且也沒有太熱，方便食用。湯水內有桂花，所以食落有淡淡的桂花香味!小