成都小巷米線雞煲 (和富道) (已結業)

最近同朋友聚餐，喺openrice發現一間雞煲火鍋店嘅評價唔錯，去到先知原來有雞煲/酸菜魚任食放題！就算唔食放題都可以食米線，啲食材種類同雞煲好似好吸引咁，所以同朋友揀咗雞煲放題～任食雞煲 $158(兩小時)呢個價錢性價比超高🥺個雞煲一到已經聞到好香嘅香料味，啲雞仲要好嫩好入味！我哋嗌咗少辣，建議鍾意食辣嘅朋友可以嗌中辣，不過小辣都已經夠香口惹味😋食完雞煲之後就轉邊爐，全部都係自助式㗎～邊爐食材亦都好齊全，蔬菜腐皮丸類肉類乜都有！個人最鍾意牛肉片，一啲都唔嚡而且好滑，淥一淥就即刻食得🥰