一生任食和式火鍋 (已結業)

一生任食放題一向唔做平日午市，見最近改做火煱放題連午市都有得食，重要一連三日推廣午市一送一，一定要試。任食90分鐘(其實有邊個lunch time有90分鐘吖)點左一份豚腩肉燒定食及一份豚肉火煱share食，另叫左兩杯特飲。出去吧枱見有唔少火煱料，有秀珍菇、金菇、鮮東菇、蟹柳、炸餃子、炸魷魚餅、紹菜、魚旦、獅子狗卷、茄子、烏冬，重有珍珠米白飯加日本雜菜咖哩汁同兩種湯。最貼心嘅係籮白片巳徑煮熟，唔怕煮唔淋。一個鐘已經飽到食唔郁，重有雪糕甜品任食，$86兩個人真係十個抵！