影片
更多
2021-11-09
93 瀏覽
同同事黎Gogo mall食晏，想食辣野就揀左黎雙辣，好好彩有卡位坐，個位幾濶落呀。無黎一排，多左烤魚同雞煲喎，不過晏晝都係點午市套餐，快靚正仲唔使加一添。飲品自己就叫左罐忌廉，同事轉左特飲柚子疏打，幾香柚子味，不過甜好飲喎。另外兩位就要左豆漿，支裝上，寫住香港製造同無防腐劑喎。點午餐可以優惠價加小食，加左一份江南油炆筍，甜甜地嘅醬油味，筍爽口，雖然有幾條老身左有渣，但大部份都係嫩口嘅，好食。仲加左花雕醉雞翼，上枱時好有酒香，雞翼都好入味唔錯呀。同事叫的雙辣招牌炒飯，超大碟，真係超大碟～有雞肉，辣椒，花椒等同炒，炒得香口乾身唔油膩，辣辣麻麻好惹味，好好食呀。自己點左尖椒爆炒肥腸，尖椒意外地唔辣喎，肥腸堅肥好有咬口，正。同事叫的招牌香辣干鍋一人前，揀左腩肉，午餐肉，炸蓮藕片同萵筍，辣度叫了小辣，個人覺得唔夠辣啦，同埋個底好油同好鹹，唔知係咪師傅失手呢，上次黎好好食㗎。最後一個點左時菜炒牛肉，唔食辣嘅同事都有野啱食㗎，唔使驚。牛肉嫩滑，重蒜味，時菜係菜心黎，好食。我自己個份轉左菜飯，菜好爽喎，飯係粒粒米唔爛，最正係熱辣辣，熱飯特別香口。另外就係普通白飯，同事問使唔使裝到咁大個，質實曬冇虛位
無黎一排，多左烤魚同雞煲喎，不過晏晝都係點午市套餐，快靚正仲唔使加一添。
飲品自己就叫左罐忌廉，同事轉左特飲柚子疏打，幾香柚子味，不過甜好飲喎。
另外兩位就要左豆漿，支裝上，寫住香港製造同無防腐劑喎。
點午餐可以優惠價加小食，加左一份江南油炆筍，甜甜地嘅醬油味，筍爽口，雖然有幾條老身左有渣，但大部份都係嫩口嘅，好食。
仲加左花雕醉雞翼，上枱時好有酒香，雞翼都好入味唔錯呀。
同事叫的雙辣招牌炒飯，超大碟，真係超大碟～有雞肉，辣椒，花椒等同炒，炒得香口乾身唔油膩，辣辣麻麻好惹味，好好食呀。
自己點左尖椒爆炒肥腸，尖椒意外地唔辣喎，肥腸堅肥好有咬口，正。
同事叫的招牌香辣干鍋一人前，揀左腩肉，午餐肉，炸蓮藕片同萵筍，辣度叫了小辣，個人覺得唔夠辣啦，同埋個底好油同好鹹，唔知係咪師傅失手呢，上次黎好好食㗎。
最後一個點左時菜炒牛肉，唔食辣嘅同事都有野啱食㗎，唔使驚。牛肉嫩滑，重蒜味，時菜係菜心黎，好食。
我自己個份轉左菜飯，菜好爽喎，飯係粒粒米唔爛，最正係熱辣辣，熱飯特別香口。
另外就係普通白飯，同事問使唔使裝到咁大個，質實曬冇虛位，哈哈。五十蚊個午餐，有飲品又唔使加一，抵食吖。
張貼
