大滿喜日本料理 (已結業)

呢間放題都開左一段日子，之前應承左媽咪帶佢黎食成日都就唔到時間，就趁復活節假黎食個lunch!我地撘正12點就到~入到去岩岩坐低媽咪就即刻衝左去甜品同沙律櫃果邊，番到黎好開心咁拎左d前菜番黎，有中華沙律、有木耳有牛展，竟然仲有佢既至愛酸辣鳳爪~媽咪話酸辣鳳爪仲好味過之前食過既泰國餐廳!係媽咪開心食緊既時候我就每張紙剔d~好快刺身就黎先~呢個刺身船個賣相好靚~媽咪開心到係咁叫我幫佢影相~d刺身唔止靚仲好新鮮，之前食過其他放題d蝦唔新鮮有腥臭味，但可幸呢度食到既係好鮮甜!其他魚既刺身都好厚肉好鮮味，就咁呢個刺身船係出面餐廳食都唔止百幾蚊!食完刺身媽咪又走左出去搵野食，今次拎番黎既係冬菇花膠湯。呢個被佢形容為今日之最~原因係夠哂熱而且好足料，非常鮮甜，熱既程度係燙口既熱~非常出色!壽司方面叫左幾款，細細件食多兩件都唔會好飽，炸物都夠熱，其中芝麻雞翼最出色最入味!燒物既羊架都唔算好濃醃料味，不過都冇蘇味，唔錯!另外天婦羅蟹棒都好好食~而我本人覺得呢餐最出色既係個蟹粥~綿得黎食到蟹既鮮味而且咸咸地唔會淡貿貿~出面甜品櫃有好幾款細細粒細細杯既甜品~仲有龍眼同提子~雪櫃仲有雪糕糯米糍同好多款雪糕雪條