影片
更多
2021-12-05
1274 瀏覽
早前等老婆放完學，一齊晌砵蘭街一家小店食龍蝦車仔麵，但趁佢未夠鐘放學，就晌附近游走吓，偶然睇到呢一間日式燒肉店，見佢啲午餐唔貴，大可搵次過嚟過吓燒肉癮。所以，造就今日同老友晌附近完咗活動，就嚟到食個燒肉午餐。一室以淺色木系為裝修，襯以灰紋地磚，簡潔明亮。主要以4人枱為主，二人一爐，亦有少部份高腳枱櫈，間成兩人一組。放埋嘢食，枱面空間緊緊夠。去洗手間期間，仲發現原來有廂房，可以分兩枱，坐到8個人，幾好喎，如果一大棚朋友嚟，有個私人空間，玩得更盡慶。呢度喺以數碼方式落單，掃一掃二維碼，再自行揀食物、飲品。時下有啲餐廳，連餐牌都慳番，小弟就覺得唔多方便喇，有個餐牌俾大家睇，方便到大家易啲睇到有咩食，唔使得一個人成日碌嚟碌去。午市主要分成兩大類，一類喺設定好食材組合（午市套餐），另一類就自由配搭食材組合（自由選配），無論邊一類，都有唔同重量供選擇，彈性大。不過，前者已埋御飯、和風湯及和式前菜，套餐最平只喺$48，食到最貴都喺$128；但後者則需額外加$22先可以轉成為套餐，所以，我哋都揀午市套餐，划算啲嘛。右下角仲有啲飲品選項，可惜喺無啲加配嘅優惠，但定價都算相宜。想奢華啲都無問題，有個極上二
一室以淺色木系為裝修，襯以灰紋地磚，簡潔明亮。主要以4人枱為主，二人一爐，亦有少部份高腳枱櫈，間成兩人一組。放埋嘢食，枱面空間緊緊夠。
去洗手間期間，仲發現原來有廂房，可以分兩枱，坐到8個人，幾好喎，如果一大棚朋友嚟，有個私人空間，玩得更盡慶。
呢度喺以數碼方式落單，掃一掃二維碼，再自行揀食物、飲品。時下有啲餐廳，連餐牌都慳番，小弟就覺得唔多方便喇，有個餐牌俾大家睇，方便到大家易啲睇到有咩食，唔使得一個人成日碌嚟碌去。
午市主要分成兩大類，一類喺設定好食材組合（午市套餐），另一類就自由配搭食材組合（自由選配），無論邊一類，都有唔同重量供選擇，彈性大。不過，前者已埋御飯、和風湯及和式前菜，套餐最平只喺$48，食到最貴都喺$128；但後者則需額外加$22先可以轉成為套餐，所以，我哋都揀午市套餐，划算啲嘛。右下角仲有啲飲品選項，可惜喺無啲加配嘅優惠，但定價都算相宜。
想奢華啲都無問題，有個極上二人盛盒，以及和牛套餐，總之，豐儉由人，平有平食，貴有貴食。
枱上已放好餐具、鋼夾，而烤爐採下抽式，加上餐廳都喺新開，食完成餐飯，一身都無乜油煙味。
此外，枱上仲放有兩款燒肉汁，以及即磨嘅岩鹽同黑椒粒，用上即磨貨色，算喺夠晒誠意。啲燒肉汁就用嚟食啲牛五花、豬五花、雞腿肉，惹味啲，而岩鹽同黑椒就用嚟食牛小排、牛板鍵，咁樣先食出啲牛嘅原味。
巨峰乳酸梳打 $18 一個打邊爐，一個日式或韓式燒肉，點可以唔嗌定杯凍飲。老友就揀梳打，有汽飲落夠爽，佢話咩味都無所謂，不過，有乳酸就更加爽，加上咁大杯，夠飲到尾。
白桃四季春 $15小弟都喺揀凍飲，不過，就要支冷泡四季春，心態諗住燒肉實會食好多肉，所以，消消滯。其實，你睇落去都喺以一個茶包沖泡，有別啲台式水果茶，四季春味道都好清香，之不過白桃味就欠奉，唔喺太覺得啫。
C. 牛五花 & 豬五花 & 雞腿肉（150g）$62 8款套餐，計落呢一款性價比高，一來可以一次過試到3款肉，二來份量足都喺賣六十零蚊。捧到出嚟，啲肉睇落都幾新鮮，肉色有光澤，咪睇佢好似得少少，其實連埋啲飯、湯品，一般人而言都好夠飽。
牛五花 & 豬五花 & 雞腿肉（150g）
$62
9 瀏覽
0 讚好
0 留言
咪以為喺普通白飯，餐牌都己寫明喺採用日本富山– 天盛米，真喺誠意十足，飯粒鬆軟而帶點點黏糯，有飯味，誇張啲講。撈豉油都好食呀。
羅宋湯餐牌標明喺和風湯，所以，一心都喺諗住會喺麵豉湯，出嚟竟然喺西式嘅羅宋湯。實際上，味道都算唔錯，酸香濃郁，晌食啲燒肉前，開開胃。
和式前菜店員話前菜會日日不同，而今次喺啲中華沙律，即喺天然海草再加少少粟米粒，灑啲芝麻。與其話前菜，小弟就當伴菜，伴住啲燒肉同飯嚟食，感覺可以減低少少「熱氣」感。
牛五花卒之試試啲燒肉喇，先試啲牛五花，算小弟見識少，成日以為得豬先有五花腩，原來牛都有，睇起嚟真喺半肥瘦，由於薄切，唔需要燒太耐，入口肉香、油脂兼備，真喺幾好食。
豬五花有別牛五花，豬五花就肥瘦相間，雖然喺豬肉，理應要燒熟啲，不過，由於都喺薄切，燒都轉晒色都覺得OK。但猛光燒過後，逼出油脂，入口又唔覺話好肥喎，但油香感爆棚 。
雞腿肉雞腿肉喺厚身一件件，所以要燒耐啲，亦避免燒到外面熟而中間又未熟，建議焫一焫完表面，放晌側邊半煨燒。由於用上腿肉，比預計嫩滑，再沾一沾啲燒肉汁，非常惹味。
F. 美國牛小排 & 牛板鍵（100g）$88 老友主力想食牛，所以，佢就揀牛小排搭牛板鍵呢個組合。唔知喺咪店家怕客人分唔到邊啲喺牛小排，邊啲喺牛板鍵，所以，特意放個小牌晌牛小排嗰邊。啲肉睇落真喺幾靚，紅得嚟好鮮艷，唔會暗暗啞啞、瘀瘀黑黑。雖然比C餐嘅重量少，只有100g，但切出嚟睇落都OK喎。
美國牛小排 & 牛板鍵（100g）
$88
16 瀏覽
0 讚好
0 留言
兩款肉都喺薄切，加上喺牛，所以，兩邊焫兩焫就食得，為咗食出原味，所以，就唔沾醬汁，只灑少少鹽花同黑椒作調味。牛小排果然高質，肉香而帶微微油脂，口感油潤軟腍。
牛板腱至於啲牛板腱，油花分佈平均，色澤又靚，食落既食出肉嘅原味，又充滿油香而不過火，細嚼肉質嘅纖維真喺有種入口即化嘅感覺，質感好細緻。
食日式燒肉一向都算喺稍稍高消費項目，不過，嚟到呢度食個午餐，又可以過吓燒肉癮，但又唔貴喎，想盡慶多啲，又唔介意俾多少少錢嘅話，可以揀大份量嘅又得，所以，見午市都真喺幾多客人。
張貼
