影片
更多
2024-07-16
78 瀏覽
今日收工想食點心 同事就介紹左我去呢一間龍點心 我同事話佢即做得黎又有新意 咁就一於同佢一齊去食啦 地點都好方便係正軒尼斯道 係大有廣場係過黎都係3分鐘左右今次見到一個好特別既係有一個6款味道既燒賣 都係賣緊$70蚊 原本都覺得小貴 但係係灣仔食都算係咁啦 食完之後就覺得$70有6粒呢d質素真係好抵 而且所有點心都係即叫即蒸 食既時候一定係熱辣辣♡歎世界燒賣拼盤 $70呢一個拼盤一共有6款唔同口味既燒賣 等我逐款講下：യ芝士墨魚燒賣味道好似食緊墨魚丸咁但佢口感又可以保持到燒賣既質感 裡面仲有芝士 岩晒芝士愛好者യ俄式羅宋燒賣咁多款入面我最鍾意就係呢一款 佢呢個燒賣入面係真係有啖羅宋湯係入面 係好濃既羅宋湯 我真係諗唔明點樣可以係燒賣入面放到一啖湯而又唔會外流 到你咬落去既時候先爆汁而出യ冬陰功泰辣燒賣冬陰功呢一個同羅宋燒賣好似 都係有啖湯係入面 但佢應該係減左辣怕香港人食唔到咁辣 雖然辣味低左 但冬陰功個種泰式酸味真係將個種精粹做到出黎യ泡菜蒜辣燒賣有微微泡菜既韓式辣味 蒜香都食得出യ黑松露珍香燒賣呢個我朋友食左 佢就話成粒都好香黑松露味 唔係好平個d罐裝石油氣味既黑松露യ黑蒜帶子燒賣
今次見到一個好特別既係有一個6款味道既燒賣 都係賣緊$70蚊 原本都覺得小貴 但係係灣仔食都算係咁啦 食完之後就覺得$70有6粒呢d質素真係好抵 而且所有點心都係即叫即蒸 食既時候一定係熱辣辣
♡歎世界燒賣拼盤 $70
呢一個拼盤一共有6款唔同口味既燒賣 等我逐款講下：
യ芝士墨魚燒賣
味道好似食緊墨魚丸咁但佢口感又可以保持到燒賣既質感 裡面仲有芝士 岩晒芝士愛好者
യ俄式羅宋燒賣
咁多款入面我最鍾意就係呢一款 佢呢個燒賣入面係真係有啖羅宋湯係入面 係好濃既羅宋湯 我真係諗唔明點樣可以係燒賣入面放到一啖湯而又唔會外流 到你咬落去既時候先爆汁而出
യ冬陰功泰辣燒賣
冬陰功呢一個同羅宋燒賣好似 都係有啖湯係入面 但佢應該係減左辣怕香港人食唔到咁辣 雖然辣味低左 但冬陰功個種泰式酸味真係將個種精粹做到出黎
യ泡菜蒜辣燒賣
有微微泡菜既韓式辣味 蒜香都食得出
യ黑松露珍香燒賣
呢個我朋友食左 佢就話成粒都好香黑松露味 唔係好平個d罐裝石油氣味既黑松露
യ黑蒜帶子燒賣
佢面頭有粒黑蒜 黑蒜既底下就係一粒帶子 帶子吸收晒黑蒜既獨特味道 有左黑蒜味既帶子好似食落去仲更加鮮味
♡蟹粉菠菜香蝦餃（3隻） $58
呢係蝦餃既造型有別於傳統 佢係一個開口餃黎 上面開口裝住勁多既三文魚籽 除咗食到蝦既爽之外 仲可以食到三文魚籽爆發個種鹹鮮味
♡翡翠響鈴腸粉 $48
呢一個腸粉我真係覺得佢地think out of the box 炸兩我地由細食到大 但炸兩就係有時唔夠脆同埋油炸鬼好厚 換左個響鈴真係另一個感覺 入面脆得黎又輕身 真係第二到食唔到
♡鳳爪排骨飯 $58
排骨既數量都幾多 撈埋豉油食 呢個配搭定律黎架啦
♡炸一口豆腐 $58
一口豆腐炸得好脆 下面好聰明咁用左炸豌豆去墊住 將炸豆腐既油可以滴到落底 唔會浸住影響口感
♡馬拉小籠包4隻 $48
小籠包包得好好 好輕鬆就可以用筷子夾起個小籠包既包尖而唔會穿皮 入面亦都有唔少鮮味既湯汁
𓆫如果想抵d食點心仲可以成為會員 所有食物有88折優惠𓆫
張貼
