醉標無骨海南雞

營業中

休息中

某日放工去觀塘附近拎野，順便買個外賣返屋企食。見到有間標榜食海南雞嘅小店，見都有唔少街坊幫襯，價錢仲好吸引。落單唔使5分鐘就有得拎，好有效率，packing仲要好企理，飯同餸係分開放。🐔🐔無骨海南雞飯 - 入口啖啖肉，雞肉好嫩滑，油飯亦都整得好味，唔會太油淋淋。🐷🐷泰式豬頸肉飯 - 豬頸肉唔會太肥，肉質爽滑有口感，配埋個泰式醬，好惹味。🥜🥜例湯係木瓜花生雞腳湯，入口清甜，有住家湯嘅感覺。飯餐每個只係$32，質素唔錯，相當抵食，絕對係平靚正之選。