十八樓江南廚房 (已結業)

間餐廳好似開左冇幾耐，諗住試下，發現都算唔錯，價錢都好親民，野食質素又高。份量都好大份。我地三個人去食，都食得好飽。個人推薦辣子雞丁同香菇津白😋辣子雞丁色香味俱全，個汁酸酸甜甜襯埋菜飯真係一流，。菜飯入面除咗菜仲有一啲肉粒，好入味。香菇津白好鮮甜，鐘意食素嘅人可以試下。環境同裝修都幾靚又乾淨。位置大，唔會覺得迫。題外話，啲店員真係超級熱情，態度親切個個都好有笑容。我坐左就黎2個鐘都冇趕我走同黑面，見我個杯冇水又自動斟水。