羅麥記 (已結業)

今日約咗家人去銅鑼灣行街入貨，途經Hysan Place，忽然很想食啲地道茶記食物。 佢地話有間羅麥記，裝修幾懷舊，我地就一行四人沖上十四樓試下。 餐牌上很多款式，好多食物都係我既心水。點了好多種類試下，因為樣樣都想食。 芝味牛肉蔥油餅卷👍，好特別，夾著溶咗既芝士，餅皮煎得都好脆口  黃咖喱大頭蝦撈丁👍 辣辣地，啱哂我地家中長老，蝦幾大隻下，配合埋啲咖喱撈丁, 十分開胃  羅麥汁牛河👍 牛肉份量都幾多，炒得幾香口，我就覺得好味，有人就話甜咗小小  雪花西多， 有人鍾意食甜品，這個西多入面有埋咖吖，還有六大件，都幾足料。我對甜食反而興趣不大啊  麥sir乳鴿仔👍 皮脆肉厚，$55絶對超值，味道不錯  黑汁墨魚鬚👍對於我的墨魚怪家人，不夠幾分鍾巳清碟  哈哈哈炒飯👍 炒得好乾身，冇乜油又好爽口。食完真係笑哈哈喎，唔使去減肥啊  加埋碟菜，食咗八㨾野都係四百幾。