德興小廚

營業中

休息中

東涌抵食嘅雙餸飯，餸菜款式眾多，有十幾二十款揀，而且每日都有唔同嘅口味，食足一個星期都唔會重覆。青咖喱雞肉咖喱有淡淡嘅椰香，雞肉嫩滑仲有茄子做配菜。羊腩煲天氣開始轉凍，食返個羊腩煲特別暖胃，羊肉羶香嫩滑，配菜嘅枝竹冬菇夠晒入味。豆豉蒸䱽魚原條魚，大大條，多魚肉，加咗豆豉唔怕腥。炸雞翼想食啲香口啲嘅嘢可以揀炸雞翼，皮薄香脆，而且有四隻份量都唔少。鹹蛋蒸肉餅肉嫩多汁，不會好結實，最開心當然係有鹹蛋☺️，令肉餅即刻不單調。蒜蓉炒菜心飲食最緊要均衡，菜類嘅選擇都好多，有菜心、西蘭花、生菜等。咕嚕肉咬下去，酥脆的外皮，內裏係軟軟的豬肉，醬汁酸甜，色澤誘人。