影片
更多
2023-08-03
11 瀏覽
早排係旺角行街既時候見到有間樓上餐廳好似係新開既，就決定上去試下😗上到去裝修好新淨，仲有好多Bearbrick，再行前D就係一大塊玻璃窗，可以望返旺角街景😬主食方面叫左個蟹肉魚籽滷肉飯便當同安平蝦卷拌麵便當😗兩個便當都會配碟沙律菜，上面仲有果肉同蘿蔔，夠曬開胃😛個滷肉飯有滿滿既蟹肉同魚籽，我都係第一次見到佢地同滷肉飯做配搭，估唔到又幾夾，令到鹹鹹甜甜既滷肉再多左份鮮味😎D滷肉咬落都好軟嫩，撈飯一流🤣個拌麵食落都好香口，佢個麵係有蝦籽既粗麵，調味剛剛好😙個主角安平蝦卷表面脆脆地，咬落去幾彈牙🤪我地仲加多左個Black pink鹽酥雞，佢個賣相好特別，真係好似佢個名咁，有黑色既炸雞加粉紅色既醬😛個粉紅色醬係酸酸地既，個雞炸得剛剛好，個黑色皮好脆，唔知佢係咪用墨汁整😬然後D肉質好嫩，仲有肉汁會流出黎😍最後野飲個到就叫左個山茶花烏龍奶蓋同黑糖濃乳愛玉菓子，想特別推薦個黑糖濃乳，佢個奶味係真係超級濃，好鬼正😍平時黑糖鮮奶都係配珍珠，配愛玉菓子個感覺好新鮮，呢杯野飲我比100分😛今次呢間食得好滿意，我鍾意佢D食物選擇夠多同特別，唔係一般台灣餐廳既Menu，然後D野又抵食，見佢好似仲有Lunch m
上到去裝修好新淨，仲有好多Bearbrick，再行前D就係一大塊玻璃窗，可以望返旺角街景😬
主食方面叫左個蟹肉魚籽滷肉飯便當同安平蝦卷拌麵便當😗兩個便當都會配碟沙律菜，上面仲有果肉同蘿蔔，夠曬開胃😛
個滷肉飯有滿滿既蟹肉同魚籽，我都係第一次見到佢地同滷肉飯做配搭，估唔到又幾夾，令到鹹鹹甜甜既滷肉再多左份鮮味😎D滷肉咬落都好軟嫩，撈飯一流🤣
個拌麵食落都好香口，佢個麵係有蝦籽既粗麵，調味剛剛好😙個主角安平蝦卷表面脆脆地，咬落去幾彈牙🤪
我地仲加多左個Black pink鹽酥雞，佢個賣相好特別，真係好似佢個名咁，有黑色既炸雞加粉紅色既醬😛個粉紅色醬係酸酸地既，個雞炸得剛剛好，個黑色皮好脆，唔知佢係咪用墨汁整😬然後D肉質好嫩，仲有肉汁會流出黎😍
最後野飲個到就叫左個山茶花烏龍奶蓋同黑糖濃乳愛玉菓子，想特別推薦個黑糖濃乳，佢個奶味係真係超級濃，好鬼正😍平時黑糖鮮奶都係配珍珠，配愛玉菓子個感覺好新鮮，呢杯野飲我比100分😛
今次呢間食得好滿意，我鍾意佢D食物選擇夠多同特別，唔係一般台灣餐廳既Menu，然後D野又抵食，見佢好似仲有Lunch menu，下次再去食😎
張貼
