小胖台灣便當 (豐怡中心) (已結業)

之前食過觀塘嘅小胖，只有外賣。今次又想食台灣菜，見旺角新開咗分店，有堂食，一於揀呢間😆 士林鹽酥大雞腿便當🍗大大塊酥炸雞腿，好脆口，肉汁豐富。 麻辣鴨血肉燥寬粉好入味，鴨血爽口，寬粉Q彈。如果更辣應該會更惹味。 夜市炸魷魚🦑不得了！好酥脆，加埋九層塔入去炸，處理得好好，唔會油膩。 酥酥咸香香菇🍄有驚喜。薄薄一炸炸粉裹住嘅香菇仍然juicy。 金萱烏龍冷泡茶/梔子花冷泡綠茶金萱烏龍醇厚甘香，飲落好順口；梔子花綠茶有清新花香，綠茶味濃。 餐廳座位都好舒適；小食份量都幾大，一人一個套餐都好飽。