Tiger Curry (已結業)

環境4分：簡約日式木枱木櫈，坐落唔太迫，整體都幾好，有四分。 衛生4分：有個開放式廚房，見到都算幾乾淨，有四分。 服務3分：侍應解釋雞翼啤酒90分鐘任飲任食都算非常清楚，而且斟酒都算快，但係雞翼要等得都幾耐，所以得三分。 味道2分：雞翼食過幾輪，有時唔熱，有時超熱，肯定有啲擺咗好耐，唔係即叫即炸，所以得兩分。 抵食4分：100蚊唔使就卑你坐足90分鐘，雖然唔係話超級好食，但抵食度嚟講都有四分。